ليه اسمها كده

انا ليه مسميه المدونة بالاسم ده؟؟؟؟؟؟ ليه؟ليه؟ ليه؟؟؟؟؟؟اممممممم

هوه حقيقى أول اسم خطر على بالى لما فكرت فى الموضوع بس انا حسيت انه معبر عنى بشكل أو بآخر لأنى دايما باحس انى مركبة تركيب زيادة شوية طبعا هاتقولوا لى طب ما هى كل البشر مركبة ومعقده هاقولكم ما حدش يعترض على كلامى مفهوم ولا لأ خلونا حبايب أحسن

ما علينا نرجع لموضوعنا كنا بنتكلم ف إيه يا صوفى ؟؟بنتكلم ف إيه؟؟

آه كنت بآقول اننى مش واحدة بس لأ انا كتير أيوة طبعا انا مش إللى زمايللى فى الشغل بيشوفوها بس ولا إللى قرايبى بيشوفوها بس ولا إللى أصدقائى بيشفوها لأنى انا نفسى مع نفسى مش باكون واحدة بس

ما علينا فهمتوا حاجة

ما فهمتوش!!!!! ولا أنا كمان فاهمة

طب لو حد فهم حاجة يبقى يفهمنى سلام دلوقتى واقلبلكم تانى بكرة أو يمكن كمان شوية

على استحياء

ايوة على استيحاء شديد جدا عملت المدونة بتاعتى دى يا جماعة وخصوصا ان الخطوة دى عملتها بعد تقليب الموضوع يمين وشمال وفوق وتحت وبعد تفحيص وتمحيص

رحت قايمة نط من ع السرير وقررت عملت المدونة دىوانا فى الحقيقة باقدم رجل وأخر رجل

انا فى الحقيقة شخصية خجولة جدا جدا علشان كده حسيت انى ممكن امارس الجرأة اللى مش باعرف اعيشها فى واقعى مش علشان قيود معينة حواليا بالعكس لكن علشان دى طبيعة شخصيتى

وفى اللحظة دى قولت لنفسى طب وإيه يعنى لما استبدل اجندة خواطرى الحمرا اللى هيه اتى عليها الدهر ومعايا من حوالى 14 سنة ما تتخضوش انا مش كبيرة قوى انا آه قربت على التلاتين لكن فى اللحظة اللى باكلمكوا فيها دى حاسة انى لسه صغيرة الاحساس ده مش دايما باحس بيه المهم قولت استبدل الاجندة دى اللى مش بيشوفها حد غيرى بالمدونة اللى ممكن الناس تشوفها وف نفس الوقت مايتعرفوش عليا خالص

وبس بيتهيأ لى كفاية كدة النهاردة وهاحاول المرة اللى جاية اجيب لكم حاجة من خواطرى وتهييسى